政壇：KK笑迎手下敗將劉江華
話說一二年立法會選舉首次新增五席俗稱「超級區議會」嘅區議會第二界別議席，民協KK馮檢基當時以逾二十六萬票當選，當時代表建仔參選嘅現任民政事務局局長劉江華，以近二十萬票得票排名第六同議席擦身而過，其後劉江華走入官場出任政制及內地事務局副局長，事隔約三年，喺立法會否決政改方案後，仲「升呢」做局長。佢尋日出動參觀民協旗下社企、職訓中心等，KK全程在旁陪伴且笑容十足，疑喜迎昔日手下敗將。據悉民協係劉江華首個會見嘅泛民政黨，算係畀足面子KK嘞！
劉江華（右二）畀足面馮檢基（左一），與副局許曉暉（左二）參觀民協社企。（互聯網圖片）
