許曉暉玩清代服飾Cosplay，黃袍加身過吓皇帝癮。
兩度同「升呢」做局長擦身而過嘅民政事務局副局長Florence許曉暉，盛傳佢因做唔成局長而萌生退意，未必會做埋餘下兩年任期。
Florence日前獲邀出席有關清代古船嘅展覽，並且即場試玩互動設施，機器會隨機出現清代服飾，配合參加者頭像，角色上至皇帝，下至海盜都有，畀參加者一嘗Cosplay滋味。結果Florence一抽就抽中咗做皇帝，一嘗黃袍加身嘅滋味！佢事後話自己只喺好彩，最緊要係唔使去做清兵，仲大讚個遊戲好得意。做唔成局長，就過吓皇帝癮，都好過冇喇！
第一手消息請下載on.cc東網
