SUN搞作:SUN官場現形記:命中犯水
喺一個月黑風高嘅晚上,一條濕滑嘅公路,市民與運房局局長炳炳撞個正着,市民眼擎擎望實炳炳,然後說出一句……
市民:我睇你個相,都知你命中犯水O架喇。
炳炳:使你講,依家鉛水事件爆唔停,唔「犯水」就假!
市民:爆唔停你就諗吓計啦。
炳炳:學人話齋,飲鉛水只要拉勻一生計,唔使擔心啦。
市民:咁又唔見你飲吓鉛水?
炳炳:明知山有虎,偏向虎山行,傻嘅咩!
市民:冇辦法,你注定犯水……
(市民突然揮一揮手。)
炳炳:你做乜攞水淋我?
市民:話咗你有「水劫」啦,依家唔單止屋邨爆鉛水,連大學都中招,你個懵官仲得把口,唔做嘢鋪鑊!
炳炳:**@#$##!@@@#$$