政壇：Greg蘇「瞓醒」 考察美食車
自從財政預算案宣布想引入外國美食車嘅構思後，商務及經濟發展局局長蘇錦樑（Greg蘇）就鬧咗單笑話，事緣當日工聯會立法會議員陳婉嫻向Greg蘇查詢美食車時，Greg蘇竟然話美食車唔關佢事喎，但其後證實係佢範疇嘅工作，尋日Greg蘇結束澳洲嘅訪問，見佢好似忽然「瞓醒」咁，走咗去考察吓美食車。
蘇錦樑（右三）同朱曼鈴（右二）參觀美食車運作。
Greg蘇喺旅遊事務專員朱曼鈴陪同下，睇咗悉尼市內嘅美食車營運模式，又同經營者交談吓，了解吓美食車嘅日常運作，佢仲睇埋人哋美食車嘅設計添。其實預算案公布至今已將近半年，政府都遲遲沒有動靜，依家先見官員去考察吓，到香港有美食車推出都唔知幾時囉，做乜嘢都慢吞吞，經濟想好都難啦。
