城中鏡：韓疫打亂曾咏出書大計

Winnie話﹕「因為我之前籌備緊一本關於韓國美容嘅書，要去當地搜集資料，但當地爆發疫症去唔到，所以計劃擱置咗。」不過，佢另外預備咗教人自製健康飲品嘅作品，包括近期大熱嘅維他命水、生果水、排毒飲料等，其中仲網羅咗啲中式湯水，有啲更係曾媽咪嘅獨門秘方。

Winnie透露：「我媽咪係中醫師，佢有好多湯水療方，我近年幫佢整理，因為我由細飲到大，覺得真係好好，應該公諸同好。」

唔講唔知，Winnie自小體弱多病，患有哮喘及濕疹，曾媽媽原本係一名西醫，但發現西藥只能治標不能治本，為咗愛女便學中醫，針灸、拔罐、推拿樣樣皆能，日子有功，佢嘅身體漸見好轉。