SUN搞作：SUN官場現形記：請你食風
香港缺乏新景點，加上人民幣貶值，勢損內地客來港意欲。生意難做，呢日商經局局長卡片蘇就畀人問到有何救亡之法。
老 闆︰無人嚟香港，仲邊有人買嘢……
卡片蘇︰又係香港人發揮包容力嘅時候！
老 闆︰你講就輕鬆，難為我哋。
卡片蘇︰其實，無人民幣賺好小事。
老 闆︰無錢賺好小事，但有你呢啲官，人民梗係「弊」喇！仲唔大件事？
卡片蘇︰唔使咁激動嘅，你諗吓到時啲舖頭執晒笠，咪有新景點「執笠街」囉。
老 闆︰你即係叫我食西北風啫！
卡片蘇︰點會呢？風食極唔飽，我無咁殘忍，最多叫你食穀種啫。
