政壇：沈慧林為陀飛輪周圍撲

隨着智能手機嘅普及，有啲人話傳統手錶或會式微，不過，手錶業界卻用事實證明，特色同經典手錶依然咁受歡迎，「港產陀飛輪」萬希泉創辦人沈慧林（William）就係其中一個耕耘者，嚟緊二十日，萬希泉陀飛輪研發室就會開幕，早前佢仲專程飛去無錫，為旗下公司嘅腕錶業務奔波。

沈慧林去到拍戲現場，對道具寶劍好有興趣。

沈慧林不時與名人及藝人合作創作腕錶，今次飛無錫一樣為工作，不過，今次佢嘅工作對象係喺當地拍戲嘅影星樊少皇，因此，沈慧林呢一行亦變咗親臨現場探班，傾業務之餘，佢對場景布置及道具都好有興趣，仲作勢拎把寶劍揮舞添。