城中鏡：大肚徐子淇探基層學生
「千億新抱」徐子淇早前宣布第四度有喜，雖然已係三子女之母，但由於今胎是意外，加上相隔太久，所以已忘記咗帶新生兒嘅經驗；滿心期待同緊張嘅佢仍不忘行善，早前挺着八個月大肚子到學校探訪，佢仲揚言明年會帶同長女晞彤一齊去教書添！
徐子淇（箭嘴示）日前抽空探訪夏橋近二百位基層學生，仲同班學生打成一片。
預產期將喺九月尾，子淇同老公對於再度做父母，感到相當緊張，因為已闊別咗四年，好多事情都忘記咗，而哥哥姐姐嘅嬰孩服同玩具都送咗畀朋友，因此要再添置全新BB用品，同埋重新學習做新手爸媽。現時懷胎八個多月嘅子淇，趁住暑假不忘行善，日前抽空探訪夏橋近二百位基層學生，仲同班學生打成一片，又送上親自挑選購買同親筆簽名嘅書本。
