鉛水慌禍及多個公營屋邨，運房局常秘兼房屋署署長應耀康近排成日出嚟解畫，但據房署最新文件披露，原來該署喺屋邨食水供應系統嘅物料審查，同埋施工期間嘅監控存有重大漏洞，突擊樣本抽檢竟然係唔包括食水供應系統嘅物料！而定期監察工程亦唔包括檢驗水喉同接駁位（包括燒焊物）係唔係含鉛，因為業界一向相信慣用嘅焊料認受性高，深信合乎規範咁話喎。簡言之，即係房署喺食水系統監管上有漏洞，而且有法不執，同業界原來只係靠「講個信字」，但今次做漏嘢點止失信於民，直頭係攞市民嘅健康嚟較飛，咁靠害法，應耀康仲使旨意甩身！

應耀康

第一手消息請下載on.cc東網iPhone/iPad/Android/Windows Phone Apps