多名政策局官員輪流放暑假，今期輪到政制及內地事務局局長Raymond譚志源。根據政府新聞公布，Raymond由尋日開始放假，直至本月底先恢復上班，即係足足放大半個月悠長假期，認真梳乎。適逢原政制及內地事務局副局長劉江華升任為民政事務局局長，副局長一職至今仍然懸空，無咗副局長署任局長職務，只得番資深公務員處理當局嘅日常事務，政制局可以講係處於真空狀態。不過唔緊要啦，政改方案已被否決，睇怕工作量多極都有限喇！
譚志源
