扮綁匪電騙 勒索婦人百萬
靠嚇綁架電話騙案實錄曝光！WhatsApp近日流傳一段錄音，記錄一名媽媽接獲「粗口男」來電，聲稱拐帶其小朋友，勒索一百萬元贖金，更步步進逼連番恐嚇，稱會對小朋友不利，又不斷爆粗及聲大夾惡，女事主被嚇得驚惶失措「手都震埋」。期間，一名小童電話聲淚俱下哀求：「媽咪，佢哋唔畀我講呀，佢哋打我呀！」有如逼真廣播劇，幸女事主追問下發現其性別及名字不相符而揭穿對方，騙徒即時收線。另有網民在facebook發文，稱收到騙徒電話指綁架了其女兒，要求匯款八十萬元，幸未有上當。
有騙徒冒充綁匪致電勒索。（互聯網圖片）
電話騙案實錄長約五分鐘，險被騙的媽媽洋名Eva，當時正在辦公室工作，期間突然接獲一個奇怪來電，於是記錄下來。一名陌生男子聲稱已拐帶她的小朋友，由於女兒外出參與活動，Eva聞言後大驚，緊張地追問：「你係邊個？畀我聽吓小朋友把聲……佢叫咩名？」惟對方不斷向事主嚇唬催逼，更夾雜大量粗口斥喝：「畀你個仔聽？一百萬攞到出嚟未呀？」Eva感到懷疑，對方又稱：「唔係你個仔咪收線囉！自己個仔把聲都聽唔出呀？」
小孩嚎哭哀訴捱打
粗口男中途收線，Eva被嚇得六神無主，不斷提醒自己冷靜，身旁同事亦為她着急，建議她致電聯絡女兒。未幾，電話再次響起，傳來一名小孩嚎啕大哭的聲音，哭道：「媽咪，佢哋唔畀我講呀，佢哋打我呀！」Eva多次追問其名字，小孩哭說：「佢哋唔畀我講！」經再三追問才說：「我叫俊俊呀！」Eva再追問：「你男仔定女仔？」粗口男又即搶回電話稱：「佢話佢叫阿俊喎，係唔係呀？」又稱：「咁如果唔係男仔嘅話，剪佢落嚟囉好唔呀？」期間對方不斷爆粗，Eva確定非女兒後表示：「你係邊個呀？我報警（o架）！」對方拋下一句：「你咪報囉！」隨即掛斷電話。Eva收線後仍驚魂未定，「手都震埋」，因女兒手機無人接聽，欲通知朋友幫忙時連（手禁）電話都不能，要由同事代勞，並透過電話向丈夫講述事件。本報記者昨多次致電Eva，但她未有接聽。該段錄音在網上瘋傳，引起家長關注，形容事件好恐怖。
另有一名媽媽在fb指在公司收到詐騙電話，有小朋友哭道：「媽咪，我畀人捉咗，你要救我。」又指自己被蒙雙眼，一名自稱「奇哥」的男子接過電話稱已綁架其女兒，要求匯款八十萬到指定戶口。因小孩聲音與女兒相似，險令她信以為真，幸她暗中用手機成功與女兒聯絡，終踢爆對方。
