「個位啱啱喺正天橋底，又喺草叢入面，隱閉得嚟唔使日曬雨淋，所以佢哋就日日坐喺度賭錢。」呂小姐指大埔廣場行人天橋底常有一群男子聚賭，風雨不改，情況已持續多年，一直未有改善，「雖然只係得兩檔，但係間唔中都會有其他人上去湊熱鬧，隔籬大埔中央廣場都成日有人賭錢，都唔知點解冇警察做嘢！」

大埔廣場行人天橋下方不時有市民聚賭。

警方發言人指，一直關注上址及附近的非法聚賭情況，過去一年的反賭行動中已拘捕四十五名干犯「在賭博場所以外地方賭博」及「營辦非法賭場」人士。根據法例，任何人於賭場以外場所或街道上營辦、管理或以其他方式控制非法賭博，即屬犯罪，一經定罪可判罰五萬元及監禁兩年，於任何場所或街道上非法賭博則可罰一萬元及監禁三個月。

不過，呂小姐坦言不滿警方執法不力，要求警方加強執法，以免聚賭風氣不斷蔓延。「嗰度一個星期都唔止五十人喺度賭錢啦，有咩理由拉得咁少人？」