早前港大學生因衝擊校委會會議同禁錮校委事件搞到滿城風雨，學生遭各界批評。但香港孔教學院院長湯恩佳拒評港大學生行為，只願講「湊仔經」，分享教導兩女一子嘅心得。莫非佢認為學生行為問題係因家長管教不善？

湯恩佳（左）與女兒湯惠心詳談品德教育。

湯恩佳大女兒湯惠心，舊年喺港大畢業，仲好乖咁返公司幫爸爸手。湯恩佳咁放心，全因佢喺女兒細細個時已不斷灌輸正確價值觀，仲成功將座右銘「三人行必有我師」洗咗女兒腦，所以湯惠心都話會虛心同努力咁學習他人長處，聽足爸爸話。湯恩佳指父母要樹立好榜樣，身教同言教同樣重要。佢又以港大校訓「明德格物」作為教導子女方針，先教好子女品格，再發展其他專長，否則子女好易會變成高分低能、無品嘅人。