日本時有地震，而現身處日本學整麵包嘅前「天氣女郎」Icy黃婉曼亦首次見識到地震威力。租住當地民居嘅Icy面對突如其來嘅地震，頓時措手不及，「試過連續兩晚一點幾地震，搖咗成分鐘，有時一晚兩次，好驚！當時我諗緊係咪應該着住睡衣走，但原來日本人已經習慣咗」。自問係聽天由命樂觀派嘅Icy對於經常地震又話：「只要日日有同屋企人傾電話就okay。」

黃婉曼

每日上堂都要企足七粒鐘，雙手仲要不斷搓麵粉，睇嚟好辛苦，但Icy就樂在其中，因為Icy話學整麵包係自己嘅夢想，「其實開cafe或者麵包店都係我一直都渴望嘅事情。由中學開始讀書嘅時候就成日去cafe溫書，依家每個周末都同屋企人去cafe消磨時間，如果有機會，我一定會開一間」。