政壇：梁美芬參與扶「貪」被瘋傳

選舉臨近，議員除咗落區宣傳，亦忙於印製工作報告派畀選民，但印製工作報告都要小心校對，否則好易鬧出笑話。好似立法會九龍西議員梁美芬最新出爐嘅工作報告，就將自己參與「扶貧小組委員會」寫成「扶貪小組委員會」（圖），隨即引起網民關注同瘋傳。有網民留言指「立法會設了一個扶貪小組？」亦有人指「博士認為貪一定會變貧……扶住先……一定係咁」。梁美芬其後喺社交網站更正，並向市民致歉。話時話，九龍西選區咁大，工作報告印製量不少，相信好難回收報告，但如果重印嘅話，未知梁美芬會再申領津貼定自掏腰包呢？