青衣：商戶霸路擺賣領匯懶理

屋邨商戶霸路阻街，居民寸步難行。居於青衣長康邨的陳先生發現商場地舖商戶阻路情況日益嚴重，「原本得一、兩間放啲貨出嚟，之後就個個都有樣學樣，仲愈放愈出，當正係佢哋啲私人地方咁！」陳批評領匯管理不善，令阻塞問題持續。

青衣長康邨商戶經常將貨物放出店外行人路，阻塞道路暢通。

「商舖對出嘅行人路一般都有簷篷，啲街坊行過本來唔使日曬雨淋，但依家畀啲貨阻住晒，就被迫行晒出去淋雨！」當區區議員徐曉杰承認不時接獲街坊投訴通道受阻，每次反映後情況雖稍有改善，惟數星期後又故態復萌。徐曉杰要求領匯加強管理，確保行人路暢通。

領匯發言人表示，辦事處職員已透過口頭勸喻及發出警告信，要求有關商戶將貨物移至舖內，以保持通道暢通，辦事處職員亦已加強巡邏有關地點。