城中鏡：盛品儒為發福煩惱
亞視前高層盛品儒太太Michelle蔡一鳳前日正日生日，佢專程為太太舉行咗個小型生日會，好友陳嘉容、利嘉兒同利嘉閣地產總裁廖偉強等都有出席。Michelle好開心咁話收咗唔少禮物，被問到老公送乜嘢？佢話：「佢送咗份十一月大溪地旅遊套票畀我，因為大家十月份搞婚禮，無時間去旅行，所以Book 十一月一齊去，同埋好開心有個朋友送咗我公司嘅一對鑽石耳環畀我，好有心。」
盛品儒（右）準備同太太蔡一鳳去大溪地旅行，作為生日禮物。
喺切蛋糕時，盛品儒送上香吻。被問到眾人面前獻吻會唔會尷尬？Michelle話：「我當時已經有啲醉意，唔太清醒。」而相中盛品儒比之前發福不少，Michelle就話：「佢係肥咗，所以好唔開心，成日話要減肥。」
