包括邢嘉倩（左一）在內嘅好友，為曹穎惠（左二）辦Baby Shower慶祝。
「毛紡大王」曹光彪嘅孫女Veronica曹穎惠榮升媽咪，日前其好友為佢舉辦Baby Shower，仲將相片放上社交網站公諸同好，寫道「Anton & Lev」，似乎暗示Veronica懷孖胎，尋日Veronica接受電話訪問時故作神秘，佢話：「係咪孖胎唔講喇，到時就知，我今個月尾預產期，第一次做媽咪當然係非常非常非常開心，因為我做好晒準備，所以唔算太緊張。」咁肥咗幾多磅？佢話：又唔係肥好多，我佗得好輕鬆，可能我一直有Keep住做運動，有咗六個月後我仲有游水、做瑜伽。」至於生完BB之後會唔會繼續做嘢，佢話暫時唔諗工作住，又話自己好好彩，今年初賣咗啲生意，就發現自己有咗，可以輕鬆啲喎。
第一手消息請下載on.cc東網
