司機暫停工冀Uber支援
【本報訊】警方對Uber採取行動，但其叫車App照常運作，不過Uber司機「東哥」（化名）稱，兩個月前開始任Uber司機，通常晚上才會用Uber，主要因為晚上Uber客較多，每晚會接三至五單，而Uber會逢星期一截數，再經司機登記的銀行戶口出糧。但昨日有司機被捕後，他表示會觀察事態發展才決定是否續用Uber接客，「依家全部行家都睇緊呢台戲，睇吓Uber會唔會幫嗰幾個司機」，若司機未有得到合理支援，將會大大打擊行家的信心。
多個的士司機工會不滿當局監管白牌車不力，砸毀的士以示抗議。（資料圖片）
介紹加盟可獲逾千獎金
東哥稱，早前的士業界示威表不滿，司機曾收到Uber短訊，聲稱行程購買特別保險，對全球司機有全面的法律支援」，所以要看今次事件的發展。他指因為Uber吸引不少司機加盟，主要是條件吸引，例如曾限定一星期內，只要司機做滿三十單，便可將收入乘一點五倍，如介紹其他人加盟，雙方同時可獲逾千元獎金，「鬼叫接佢哋啲單好搵，所以有時出少咗糧都會繼續做！」
另一方面，汽車交通運輸業總工會的士司機分會主任杜燊棠指出，的士司機現時被四面圍攻，包括折扣的及Call車App。早於○三年，工會已要求運輸署規管折扣的，並要求的士司機必須按咪錶收費，從而杜絕濫收車資的「黑的」，惟問題仍未解決。他坦言，加入Call車App等利潤較為可觀，故不少人已「轉型」，業界應「坐埋一齊」，檢討合法性營運如何生存。
的士前線司機總會主席藍貴強則稱「車行自己都搞App」，又指因App極方便，業界死於資訊發達，加上業內良莠不齊，令乘客信心大減，他認為業內應自我檢討之餘，政府亦應加強執法力度。
