香港工業總會早前舉行周年大會，正昌集團主席鄭文聰獲選為新一屆主席。咁開心嘅時刻，數百名政商界名人及工業界老中青三代齊出席晚宴飲番杯，氣氛極熱鬧，印證香港工業規模雖小，但仍充滿活力，前途無限。講到活力，鐘錶業亦唔輸蝕。香港鐘表業總會早前舉辦一場溫馨壽宴，為「鐘錶大王」孫秉樞慶祝九十歲生日，逾三百名業界老中青同堂歡聚，業界生力軍亦擔大旗搞繽紛派對，活力十足。

鐘錶界壽宴：落力籌備：「鐘錶大王」孫秉樞（左二）開生日會，香港鐘表業總會三位靚女副主席黃雅芝（右一）、黃麗嫦（右二）及徐珊雯（左一）落手落腳籌備精彩節目。

鐘錶界壽宴：見證成長：東華三院總理陳正欣（右二）及太太Angel（左二）見到孫秉樞大仔孫大為嘅兩名公子智威（左一）及智雄（右一）開心晒，事關佢哋睇住兩名世姪大。

鐘錶界壽宴：歡聚一堂：新加坡知名錶行梁波記第三代梁興銓（中）專程來港賀壽，孫秉樞細仔孫大豪（右二）、新達集團星辰錶業務董事周建榮（右一）、雷米高科技董事總經理蔡宗富（左二）及太太Susanna歡聚一堂。

工總換屆暨周年晚宴：盡興：香港總商會行政總裁袁莎妮（右）同工商專聯主席黃友嘉喺工總周年晚宴開心飲杯。

工總換屆暨周年晚宴：捧場：工總青委副主席劉燊濤嘅寶貝兒子已五個月大，太太吳奕筠忙於照顧囝囝，但工總換屆當然要捧場啦。

工總換屆暨周年晚宴：清閒：威發國際主席潘少忠（中）笑指兒子潘偉業（左）已接手打理家族玩具生意，自己樂得清閒。右為潘偉業太太鄺晶晶。

工總換屆暨周年晚宴：接棒：工總新主席鄭文聰（左）接棒做工業界頭領，卸任嘅劉展灝則接任生產力促進局主席。

工總換屆暨周年晚宴：親迎：行政會議成員兼創新及科技諮詢委員會主席楊偉雄（中）抽空到賀，工總名譽會長鍾志平（右）及青委名譽會長孫榮聰忙於招呼。