悠長暑假，好多家長都會幫子女安排好多課外活動，有時連小朋友都投訴太忙了，早前全民運動日，好多城中人都捧場參與運動。

陳學鋒及太太拒絕做怪獸家長，兩個仔呢個暑假冇壓力。

中西區區議員陳學鋒當日同太太、兩個仔一齊出席活動。學鋒同太太講到明，暑假主力安排戶外活動畀兩個仔，最多游泳加英文班，佢哋話唔想變成怪獸家長喎。睇番佢兩個囝囝，可能男仔比較好動，學鋒嘅七歲大仔平時除咗踢足球外，仲會同五歲細仔學跆拳道，當日佢哋兩兄弟拳來腳往嘅「表現」，似乎真係學得唔錯喎！