相信大家都留意到，每逢區議會選舉前半年，地區都相當熱鬧，除咗疑似參選人頻頻曝光外，仲出現好多奇景。我哋就見到新民黨南區區議員Judy陳家珮日前喺社交網站上載咗兩張相片，相中係佢個辦事處堆滿晒一袋袋米（圖），驟眼睇仲以為係一個米倉添！

點解似米倉？原來係Judy透過團購幫街坊買泰國香米，平均每季都會幫街坊訂購約二百包，今次已經係第四、五次嘞，佢仲話嚟緊考慮團購西班牙火腿等食物或日用品喎。雖然佢話會預設團購上限，但數量都唔少，乜佢唔驚畀鄰近店舖話佢搶生意咩？