繼舊年同探索頻道（Discovery Channel）合作拍攝節目，以美食探索香港地道文化後，旅發局今年以打造第二輯節目名為「A Taste of Hong Kong品味香港」。邀請新進形象造型師兼歌手馬天佑喺節目首集擔任客席領隊，以另類潮玩角度出發，帶領亞洲著名節目主持人Dominic Lau同知名澳籍韓裔博客Jen Kim「捐窿捐罅」，向全世界介紹香港各個時尚潮流熱點。

潮流達人馬天佑（左）同Jen着上傳統裙褂，做對「螢幕夫妻」。

Dominic（右）同Jen參與手做皮革工作坊。

作為時尚潮流達人，馬天佑向Dominic同Jen提議走進富有藝術氣息、近年被冠以「Poho」美譽之上環普慶坊，推介佢哋參與手做皮革工作坊，親手打造皮革品，佢哋又去上環蘇豪荷李活道，集藝術、設計、美酒同佳餚嘅餐廳飽嘗美食。

之後，馬天佑帶Jen走入海內外知名嘅尋寶勝地——深水埗，走遍被稱為「花布街」上各大小布藝商舖，向世界各地的觀眾展示香港平民社區嘅一面，仲帶Jen參觀香港碩果僅存自設工場嘅「鴻運繡莊」，認識中國傳統婚嫁禮服。Jen睇到一套套金銀線裙褂甚為讚嘆，更有幸試穿上一套傳統裙褂，同馬天佑做對「螢幕夫妻」。