城中鏡：披自製戰衣出場 楊紫明做生招牌
好多時裝品牌都會搵代言人，但內地男裝公司卡賓完全唔使，事關佢哋主席楊紫明唔單止係公司創辦人兼首席設計師，仲係公司嘅「生招牌」，有個朵叫「卡賓先生」。卡賓先生每次出場嘅戰衣，總係令人眼前一亮，旁人完全失晒色。
卡賓先生身上嘅戰衣，係佢一年前嘅作品。
尋日卡賓先生身上嘅一套戰衣，當然亦係佢嘅精心設計，係佢一年前嘅作品，條褲係新推嘅運動系列；識揀就梗係揀件恤衫啦！嗱，大家有福了！件恤衫市面已經有得賣。卡賓先生仲話明年嘅作品會充滿嘉年華同運動元素。
冇番咁上下fit，又點擔得起啲超凡嘅design？所以運動一定唔少得。嗱，卡賓先生以前就係位拳擊手，攞過省比賽季軍，佢仲好鍾意跑步同賽車，近期更跑咗渣打全馬添！
