歌聲甜美嘅張德蘭同「AO歌王」、民政事務局前常任秘書長楊立門與中樂團聯手開騷。

張德蘭（左）忙住同楊立門（中）練歌，笑稱老公可以幫手斟茶遞水。

張德蘭好謙虛咁話今次開騷係「掹衫邊」先可以同楊立門演出，自己只係以嘉賓嘅身份唱幾首歌，仲預告到時會演唱一首中樂伴奏版o既顧嘉煇作品《網中人》，作為原唱嘅張德蘭對今次新鮮嘅組合都話非常期待：「每次表演都有壓力，因為想做到最好，內心又會好興奮。」

兩個唱得之人已開始練歌，張德蘭話大家把聲都非常之夾，仲一齊揀歌仔唱添！問到老公點樣支持佢開騷？佢搞笑咁話：「唔好騷擾我就得，畀我專心啲，有咩幫手都要做，斟茶遞水都要o架啦。同埋親人唔會講假嘢，我有咩做得唔好都會講畀我聽去改進。」

第一手消息請下載on.cc東網iPhone/iPad/Android/Windows Phone Apps