幫沙田街坊免費整單車嘅退休孫伯，因收取街坊僅十蚊零件費，遭食物環境衞生署人員拘控，指佢涉嫌阻街同無牌收費提供服務，票控佢兩罪，仲強行沒收孫伯嘅維修工具。控方前日撤銷起訴，法官更當庭指孫伯唔係慣犯，僅涉阻街一點五米乘兩米，情況唔嚴重，法官最終批准孫伯攞番佢啲維修工具，仲提醒食環署人員執法要小心行使權力。過往亦曾發生食環署人員執法不公，甚至有濫權嘅情況，孫伯呢件事係又一例證，顯示食環署內部管理不善，助長歪風，害苦無辜市民！署長劉利群責無旁貸，唔兜唔得啦！

第一手消息請下載on.cc東網iPhone/iPad/Android/Windows Phone Apps