政壇：每周之星：至叻星：許少偉拆僭建要加力度

屋宇署署長許少偉尋日出席北區區議會會議，商討僭建物同劏房問題。唔少區議員喺會上都炮轟屋宇署處理僭建物過慢，影響居民生活。但許少偉回應，指署方自○一年至今，清拆咗超過四十萬個僭建物，而且市民每年平均舉報四萬宗僭建物嘅個案數字日漸下降，反映社會防範僭建物意識提高，署方宣傳有效，嚟緊更會成立專責小組處理。聽許少偉咁講，似乎係有啲效果，但係就唔好掛住賣花讚花香，事關呢個問題已經存在多年，確實危及市民安全，依家先話搞專責小組，根本係慢三拍。若果許少偉唔確實執行計劃，任佢再自吹自擂，都係難平民憤。