【互聯網】唔少議員都趁立法會放暑假時外遊充電，但新民黨嘅議員「田二少」田北辰就留港「帶團」喎。佢尋日帶埋一班市民同小朋友去咗八鄉消防訓練學校參觀，近距離了解消防員日常接受訓練及工作嘅情況，增加佢哋對消防安全嘅意識。見佢喺社交網站上載咗幾張參觀時嘅相片，其中部分係演習中嘅情景，田二少又喺一部翻側嘅私家車旁邊，超人上身，扮嘢用力推翻正部車，好似拯救傷者咁款。過去一直有傳新民黨想安排田二少明年出戰立法會選舉「超級區議會議席」，尋日佢忽然扮超人，莫非有乜嘢想暗示？

（互聯網圖片）

第一手消息請下載on.cc東網iPhone/iPad/Android/Windows Phone Apps