大角咀：交通燈吹歪轉介始維修
「交通燈梗係應該向住馬路，唔知點解呢個會變咗向住行人路，都唔知係咪早排打風吹歪咗。啲部門應該快啲整番好佢啦，呢度咁多車行駛，一陣有司機睇錯燈搞到撞車就大件事！」李先生指出，大角咀櫻桃街與海泓道交界有一組懸掛式交通燈方向出錯，擔心隨時招致意外。
大角咀有懸掛式交通燈被強風吹歪，市民擔心可致意外。
機電工程署發言人估計，有關交通燈的指向偏離原本方向乃強風造成。發言人指，該組交通燈只屬輔助性質，另有四組柱式交通燈正常運作。發言人指當局已暫時關掉該組交通燈，並安排封路以進行維修工作，會盡快完成工作及恢復該組交通燈的正常運作。
李先生證實有關交通燈現已完成維修，「早幾日見封咗路，呢幾日過去望真係整番好啦！唔該晒《東方日報》！」
