灣仔：違泊擋視線恐生意外
「呢頭有幾間中、小學，好多學生會喺食晏同放學時間經過，但係啲車就泊到封死半條街，過馬路嗰陣都唔知有冇車駛緊過嚟！」李先生指灣仔愛群道經常有車輛違例停泊，由於附近一帶學校林立，擔心阻擋學童及司機視線，過路時恐生意外，又認為問題在區內普遍，要求當局早日採取改善行動，「如果有咩事，就唔單止係一條生命咁簡單，仲要係一個家庭嘅幸福。」
灣仔愛群道時有車輛違泊，有市民要求警方多加巡察以作打擊。
警方發言人證實，於今年初至今共接獲五宗相關投訴，期間共向違例司機發出四十宗告票。發言人強調，一直關注區內交通違例事項，將繼續留意涉事地段情況，並在有需要時採取執法。
李先生要求警方履行承諾，嚴加執法以保障市民安全，「好快又九月開學，希望到時會有改善，唔駛啲家長成日都心掛掛。」
