中環：花槽淪垃圾桶煙灰缸
「擺個花槽喺度原意係美化環境，點知變咗做加大碼嘅垃圾桶同煙灰缸，搞到醜化市容，畀啲遊客見到，就真係醜死鬼。」於中環工作的李先生指出，德忌利士街近港鐵香港站出口一直為上班族「煲煙」勝地，惟煙民吞雲吐霧後，將煙蒂及垃圾丟棄於花槽，影響環境衞生。
中環德忌利士街有花槽被丟棄垃圾，有礙市容整潔。
食環署發言人證實，接獲轉介後已派員巡查，發現涉事花槽有少量垃圾及煙蒂，已安排潔淨服務承辦商清理，並提醒在日常工作時要注意有關衞生情況。發言人補充，將繼續留意有關情況，並會採取適當行動。
李先生直指清掃後問題旋即打回原形，認為食環署除做善後工作外，亦應票控違規人士，「要罰過錢啲人先會知驚，唔好搞到最後要拆咗個花槽佢，好似一拍兩散咁。」
