滲漏戶擔遮沖涼 房署卸責
馬鞍山恆安邨已近三十年樓齡，其中一幢的天台於拆卸天線工程後，頂層單位即持續滲出泥水甚至有批盪剝落，住戶需「擔遮沖涼」，管理公司卻堅稱兩者並無關係，令住戶求助無門。地區人士直指事涉樓宇結構安全，要求管理公司認真跟進，又批評房署早年將屋邨部分單位出售後，即將公共空間維修責任推予法團，亦未有盡大業主責任作恒常監察，有罔顧居民利益之嫌。
每逢下雨天，劉先生與家人均架起雨傘淋浴，才能阻擋天花滴下的泥水。
泥水滲漏已迅速蔓延至房間，劉先生需長期放置鐵罐裝載滴水與剝落批盪。
恆安邨恆日樓天台早前進行拆卸出租天線還原工程，事後即有頂層住戶單位出現滲泥水及批盪剝落。
林德偉批評房署作為屋邨大業主，卻對屋邨管理事務不聞不問。
「前排有人喺天台拆天線，拆到嘭嘭聲，跟住我屋企個天花落親雨就會漏啲帶泥嘅水，我哋去同管業處講，佢哋話會嚟整，但之後就乜聲氣都冇，依家一落雨就漏到四圍都係！」劉先生居於恆安邨恆日樓頂層單位，指早前天台曾進行拆卸天線工程，其後天花每逢下雨即滲出泥水，短短十數天已由客廳蔓延至房間、廚房及廁所，更有批盪剝落情況。
要求跟進 管方懶懶閒
劉指發現問題後已要求管業處跟進，對方卻「懶懶閒」，以致每逢下雨「都要喺廁所擔遮沖涼」。劉坦言不滿管理公司跟進不力，同時指房署出售屋邨後仍為該邨大業主，但未有盡監察之責，有不負責任之嫌，「條邨話就話賣咗，但仲有好多房署單位，依家講緊個工程可能搞到成幢樓有事，房署係咪都應該關心下？始終佢係大業主，出句聲關心下總好過我哋呢啲小業主多多聲！」
有關管理公司發言人透過電話回覆稱，有電訊公司早前在恆日樓天台進行拆卸出租天線的還原工程，惟未有證據顯示與頂層單位滲水有關。有關工程已於七月初完成，管理公司及後亦有為受滲水影響單位進行天花防水工程。
房屋署發言人則說，恆安邨中有約八百四十個單位屬公屋租戶，但指大廈天台屬公眾地方，為法團管理範圍，亦從未得悉相關投訴事宜。
「次次一有同公家地方有關嘅嘢，房署都會即刻卸畀法團，但最尾幾時處理同點樣處理，房署都係冇理到！」恆安之友社顧問林德偉直指管理公司不負責任，同時又指屋邨雖已透過「租者置其屋計劃」出售，但房署仍擁有最多業權，有責任監管法團委聘之管理公司，卻對邨內維修事務撒手不管，令不少年長居民投訴無門，「條邨雖然賣咗，但都仲有咁多租戶，依家講到可能影響樓宇結構咁大件事，房署係咪應該要叫管理公司睇緊啲？」
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街２３號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
