立法會本月中休會，直至十月先復會，各黨派立法會議員如果放盡，有長達兩個半月暑假，而行政會議尋日亦宣布暑假休會，仲係三年來首次加長暑假休會，惟前後只有三周時間，僅係立法會議員暑假嘅三分一。
行政會議秘書處尋日下午宣布，行會一連三個周二，即今日、下月四日同十一日暑假休會，據知行會前兩年都只有兩周暑假休會，換言之今次加碼至三周，係三年來首次。
行會秘書處解釋，基於行會喺暑假休會前已處理政策局提交嘅議程，未來三周又冇新嘅議程，因此徵得議員同意後作出有關安排。
