政壇：陳家強扮忙唔想被炒魷
近日嘅城中熱話，梗係原民政事務局局長曾德成同公務員事務局局長鄧國威「被換人」，事件震撼政界。有傳原本建議撤換嘅官員唔止兩個，令唔少官員暗中擔心自己會否飯碗不保，財經事務及庫務局局長陳家強尋日早上離港外訪前，被問到擔唔擔心將來可能被換走，佢話無論係佢本人，抑或其部門內同事，手頭上都有好多工作，而且本身嘅政策範圍都有好多嘢做，未來幾日會喺澳洲推廣香港作為金融中心同人民幣離岸中心嘅機遇。
陳家強話依家佢同其部門內嘅同事，手頭上都有好多工作。（資料圖片）
其實，早前已經有風聲指喺國際財金形勢風高浪急下，政府財金官員嘅組合打算以不變應萬變，所以陳家強似乎毋須太過擔心嘞！
