書商改版，學生清櫃，令不少簇新甚至從未用過的課本慘變垃圾，港人每年棄置教科書多達二千噸，十分浪費。教育局局長吳得掂同環境局局長星星討論責任誰屬起來……

星星：係你，兇手係你！

吳得掂：我話係你至啱。

星星：如果唔係你冇好好監管書商改版問題，又邊有咁多書掉吖？

吳得掂：你都識講啲書掉咗，去咗堆填區，咁咪關你事囉！你唔宣傳環保意識，市民咪唔識拎去回收囉！

星星：回唔回收已經係後話，應該控制好製造「垃圾」先係主因！

吳得掂：總之係你錯！

市民：我話你哋兩個都有問題！

星星及吳得掂：吓？

市民：兩個喺度鬥A字膊，有問題又唔改善，應該掉你哋去垃圾箱先啱！

第一手消息請下載on.cc東網iPhone/iPad/Android/Windows Phone Apps