政界人物周身刀、多瓣數，好似外號「頭箍小姐」嘅財經事務及庫務局前常任秘書長區璟智，同無止橋慈善基金義務秘書紀文鳳，就分任協青社會長同常務委員。佢哋仲透露個人未來去向，一個會投身教育，另一個就返內地做義工。

區璟智九月會去港大做助理教授教經濟，開正佢嗰瓣。

區璟智退休後做咗協青社會長，話想用街舞、滑板、音樂去吸引青年人，等佢哋可以發揮所長。而且佢九月仲會去香港大學做助理教授，個課程主要教財經政策制訂，「香港要做國際金融中心，中港經濟融合係大趨勢，但要平衡社會發行人、持份者等利益。」佢仲話已經備好課，好期待開學。

第一手消息請下載on.cc東網iPhone/iPad/Android/Windows Phone Apps