政壇：黃之鋒周庭顧住玩 反國教三周年冇影

尋日嘅記者會上，代表學民思潮發言嘅只得兩名前發言人，分別係黎汶洛同劉貳龍，但就唔見黃之鋒同周庭嘅蹤影。問到黃之鋒喺呢個重要日子去咗邊，學民思潮成員都支吾以對，似乎都唔好意思講佢掛住拍拖。至於周庭點解唔見人？原來佢去咗動漫節幫朋友推銷產品，仲話自己好鍾意動漫，睇嚟佢哋都將當年反國教嘅熱情拋諸腦後。

黃之鋒尋晚喺社交網站回應，稱在早上十一時三十分至下午二時去咗公民教室演講，下午三點半又去咗接受訪問講修改基本法運動，話畀人屈佢去拍拖喎。但實情記者會係喺下午二時半至四時許舉行，但佢就只係交待自己喺前後時段做過乜，其他時間去咗邊就唔知喇，況且拍拖一說係有可靠消息透露並非老作，倒不如佢用私人理由唔交代去邊算啦！