雖然A股近排唔多掂，但友邦嘅內地生意增長超強勁，帶挈今次中期業績好靚仔。友邦首席執行官兼總裁杜嘉祺（Mark）就牙擦擦話，近排A股嘅短期波動，佢未驚過，仲對內地長遠發展好有信心添。

對近排A股嘅波動，杜嘉祺話未驚過。

Mark話：「我得兩個心願：一就係車路士贏英超；二就係內地超越香港，成為友邦嘅最大市場。」車仔贏咗今季英超，係人都知；至於Mark嘅第二個心願，佢自己就相信指日可待。

咦？友邦好似係贊助緊另一隊英超熱刺嘅喎！咁Mark咪工作上身撐熱刺，但實際個心擺喺車仔度，係車仔忠粉？上次英格蘭聯賽盃決賽，車仔二比零「拔刺」，唔知Mark當時乜嘢心情呢呵？

第一手消息請下載on.cc東網iPhone/iPad/Android/Windows Phone Apps