政壇：兩大公職王「智」在銷三跑
政府宣布成立航空發展與機場三跑道系統諮詢委員會，取代現有嘅航空發展諮詢委員會，並擴大成員組成同職權範圍，由運輸及房屋局局長擔任主席，成員包括四名當然委員同二十名非官方委員，而兩個「公職王」包括行政會議成員陳智思同立法會前議員鄭慕智都有份，仲有香港公開大學科技學院院長何建宗同理工大學土木環境工程系副教授熊永達等二十四人，由下月一日生效，為期兩年。
「公職王」陳智思同鄭慕智獲委為航空發展與機場三跑道系統諮詢委員會委員。（資料圖片）
鄭慕智
呢個委員會將就民航事務同香港國際機場嘅發展，包括落實推展三跑道系統計劃等向政府提供意見。政府發言人話，公眾對三跑道系統計劃好關注，特別就其規模、設計、環境影響、成本同財務安排等方面。新成立嘅委員會其成員嚟自不同界別，將提供有效嘅平台畀唔同嘅持份者就相關事項向政府提供意見。
