觀塘：圍封電話亭 睇得唔用得
「移走一支『白鴿籠』應該唔需要太多地方，點解連隔籬個電話亭都封埋？」蕭先生早前途經觀塘康寧道，擬使用物華街交界處的公眾電話亭時，發現電話亭被圍欄圍封，不滿「有得睇，冇得用」，「撞正冇帶手提電話就好唔方便，唔通要當街問人借咩？」
康寧道與物華街交界的電話亭受工程影響被圍封。
市區重建局發言人指，為配合市建局觀塘市中心重建，正將運輸署原設於重建項目範圍內的閉路電視監察攝錄機重置在涉事地段，強調有關工序已獲當局批准。發言人續稱，接獲轉介後已即時派人跟進，證實工地附近電話亭受工程阻擋，已立即指示承辦商移走圍欄，讓市民繼續使用。
蕭先生對回覆表示滿意，惟同時提醒市建局展開重建項目時，應盡量確保行人路周邊設施不受工程影響，「明明就唔使封咁大範圍，下次諗清諗楚先封路就唔會搞到市民啦！」
