話說立法會財務委員會喺上星期就政府成立創新及科技局嘅撥款申請加開五日會議，原來咁啱撞正金融服務界議員「肥老闆」張華峰喺英國讀書嘅囡囡畢業禮，但佢為咗開會最終取消赴英國出席囡囡畢業禮。聞說肥老闆囡囡知道後就話唔緊要，仲話將來會讀埋碩士都未定，到時爸爸可以再出席都未遲，真係識氹人。而肥老闆今個星期就同家人去歐洲旅行，仲喺社交網站上載一張喺瑞士洛桑影嘅相片。不過，肥老闆嘅留言就疑似意有所指︰「想走？我係唔會離開（I am never leaving）……瑞士洛桑咁靚邊捨得走呀！」肥老闆講到明唔會離開，莫非近日有人勸佢唔好連任立法會議員？

張華峰上載咗一張喺瑞士洛桑影嘅靚相。（互聯網圖片）

第一手消息請下載on.cc東網iPhone/iPad/Android/Windows Phone Apps