依家唔少過海隧道巴士線喺過海後，收費仍較路線相近嘅非過海巴士線貴，呢項存在已久嘅不公平收費終有望打破，運房局副局長邱誠武早前透露，運輸署正同各間巴士公司商討調低過海隧巴過海後票價，拉近與非過海巴士差距，預計一年內推出試驗計劃。不過有巴士公司擔心，將兩類不同性質路線票價拉近或會產生後遺症，要小心研究。有立會議員擔心拉近兩類路線收費後，巴士公司會借機削減非過海巴士班次。呢項計劃仲有好多問題未解決，睇嚟邱誠武真係要戙高床板諗掂佢先得。
