城中鏡：霍麗萍光影成書助保育
早前都講過，已故全國政協副主席霍英東長女霍麗萍舉行「靈光之旅」攝影作品展兼結集成新書，新書嘅收益，仲會捐助聯合國教育、科學與文化組織喺尼泊爾嘅文化保育工作添！
霍震霆（左）撐姊姊霍麗萍（中）開攝影展，而南韓駐港總領事金光東對攝影作品讚嘆不已。
咁有意義嘅事，當然多名人撐喇！正如日前舉辦咗一場VIP午宴，多個國家嘅駐港總領事、政商界人士、藝術界同攝影界嘅朋友等都嚟捧場。霍麗萍喺席間親自向佢哋介紹攝影作品，將一眾嘉賓帶入佢嘅攝影世界，感受藝術氛圍。聯合國教科文組織嘅代表仲由巴黎遠道而嚟，喺致辭中感謝霍麗萍對文化保育不遺餘力。呢批作品係佢喺今年二月前往尼泊爾拍攝，咁啱喺地震前，將當地文化遺產以影像保留落嚟。
