城中鏡：何國鉦做主持名媛齊撐
香港時裝設計師何國鉦早前以澳門銀河名人大使身份到澳門擔任節目主持，仲邀請咗三位名太好友包括「恒生新抱」何倍倩、周國豐太太周黃泳霖同鄭躬明太太陳君宜做嘉賓，何國鉦大讚三位名太集美貌與智慧於一身，家庭事業都兼顧得宜，佢話最唔明白佢哋點分配時間，佢話：「同佢哋識咗好耐，平時出嚟聚會唔會傾得好深入，但今次訪問後，對佢哋了解更多。」
何國鉦、周黃泳霖（左一）、陳君宜（右一）同何倍倩（右二）擺出pose。
何國鉦又話：「何倍倩畀人印象弱質纖纖，但佢影相嗰日無帶助手，自己拖住篋，影相又快又配合，簡直專業過明星；黃泳霖同老公社交圈朋友多，成日出席活動，又要照顧兩個仔仔，好唔簡單，而且Jenny仲係投資專家，好佩服佢；陳君宜同佢老公好識享受人生，以前成日遊山玩水過二人世界，但自從BB出世後，生活模式都改變晒，嗰日佢都有帶仔仔一齊嚟。」
