政壇：兩舊雲鬥完抽水鬥防曬

阿Ann話喺夏天出席地區活動鬼咁曬，梗要啲準備，會搽SPF30左右嘅防曬液，怕用太高防曬度數對皮膚唔好，又話曬多啲都好，可預防骨質疏鬆喎。問佢炎炎夏日會唔會帶把強勁風扇仔？佢就話免嘞，覺得啲電用得太快，唔係咁環保，又話無理由落區成日攞把紙扇撥撥撥，好彩自己唔怕熱。

至於一舊雲就話自己落區曬慣，但都會帶吓風扇、搽吓防曬，好在本身黑底唔怕再曬黑，而平日落區都會避開啲太曬嘅時段，例如揀朝早落區。但佢話有時都避唔到，試過有次下晝三點去籌款，企喺個冇遮冇擋嘅十字路口，出晒汗搞到由頭濕到腳，惟有換件衫啦。