平等機會委員會自從由「廢嶽」周一嶽擔任主席，組織架構不斷膨脹，又決定喺租金高企下租用新辦事處。最離譜嘅係，佢一手推動嘅平機會架構改革，被指浪費公帑，解決方法竟係再花公帑聘用外間專家和顧問檢討成效。平機會希望政府可以為平機會每年增加五百二十萬元租金提供額外補助，還需額外租用新辦事處，每年又需一百二十六萬元補助，即係政府每年向平機會增撥合共六百四十六萬元補助。其實平機會本身仍坐擁逾二千萬元儲備，在一四至一五年度更錄得二百二十二萬元盈餘，令人質疑周一嶽要求政府增撥資助嘅理據。洗腳唔抹腳，仲想市民找數，廢嶽真係罪大惡極，要兜腳踢佢落台先得！

第一手消息請下載on.cc東網iPhone/iPad/Android/Windows Phone Apps