政壇：每周之星：至叻星：蘇慶和止蝕有辦法

市區重建局第四輪需求主導項目（先導計劃）收緊申請門檻，業主須集齊嘅業權由以往六成七加至八成，地盤面積亦由最少四百平方米增至七百平方米。過往「需求主導」項目平均虧蝕兩至三億元，市建局指新一輪項目未能估計使唔使訂「止蝕位」。老實講，市建局首三輪「需求主導」計劃共開展十一個項目，其中兩個因未能喺限期內達到八成業主接受嘅門檻而終止，今次收緊門檻，市建局主席蘇慶和可能想封蝕本門，但結果可能會拖延市區重建進度。蘇慶和喺改善居民生活環境同財政收入之間，一定要取得平衡，否則隨時引爆民怨。