立法會議員林健鋒一向對記者非常友善，成日都會行出立法會走廊同大家寒暄，但近日佢出入會議廳時，唔單止戴黑超，更加頭耷耷咁，同佢講嘢，佢又用平板電腦遮面，究竟乜嘢事令佢無面見人呢？佢話因為「議員無聊幼稚嘅發言所以眼火爆」，搞到左眼發炎，已經睇咗醫生，絕對唔係畀人打喎！佢又話原本發炎就要休息嘅，但因為要開會，惟有頂硬上囉！喺追訪佢時，「長毛」梁國雄亦湊熱鬧「贈興」，話「你唔好搞我鋒哥！」更加作勢分隔林健鋒同記者，作狀做「架樑」阻礙採訪！
戴黑超
