政壇：黃成智被革出白鴿黨

劉慧卿喺會後話成智嘅行為有損黨聲譽，但今次嘅決定亦非百分百贊成，黨內同社會可能都有同樣睇法，交由黨友同公眾評價，又唔覺得呢個決定顯示黨內冇溫和中間派嘅聲音，作為主席，多謝成智在黨內多年工作。佢又話成智可以搵三十人簽名召開大會，如果四分三出席者支持佢，就可推翻中委會決定。

卿姐又承認，曾經引證傳媒查詢有關紀委嘅報告，話如果成智唔鍾意都冇辦法，會尊重成智嘅睇法，又話自己好難做：「如果傳媒問我，唔通我講大話咩！」

成智就話覺得個結果難以置信，感到好難過，又認為召開黨大會係無用。至於革除黨籍後會否全無牽掛，甚麼都不怕咁參加新界東補選，佢就留有尾巴，話要思考喎。