大埔：建築廢料霸道 環署懶執法
「啲玻璃窗就咁用啲膠帶綁住就算，仲要打直擺，萬一擺得唔好跌落嚟，啲玻璃碎咗分分鐘會整到其他人！」蘇小姐早前行經大埔廣福道時發現行人路有大量建築廢料，當中不乏玻璃及泥頭，不滿行人路竟變工地，「都唔知佢係想丟定暫時擺喺度，如果佢係諗住丟喺度唔理咁咪即係要政府幫佢清垃圾？」
大埔廣福道行人路擺放大量建築廢料。
環境保護署發言人表示，同日已派員巡查上址，發現有建築廢料擺放，據了解或與附近大廈有單位正進行裝修工程有關，正聯絡工程負責人以作跟進，如發現有違反環保法規行為，會採取執法行動。
「其實成日都見到呢啲建築廢料喺條街度，但環保署好似次次都等人投訴先做嘢！」蘇小姐不滿環保署經常處於被動角色，認為當局應主動巡查及加重罰則，遏止違規行為。
